Клубот официјално соопшти дека е продолжена соработката со капитенот Игор Ѓорѓиев, кој и во наредниот период ќе го носи дресот на тимот од Скопје.
25-годишниот среден бек, кој е и актуелен македонски репрезентативец, останува важен дел од проектот на Алкалоид. Ѓорѓиев е дел од клубот од 2021 година и во изминатиот период се наметна како лидер на теренот и надвор од него, што беше и една од главните причини раководството да инсистира на продолжување на договорот.
