Алкалоид како освојувач на ЕХВ Купот се најде во Европската лига, но место до групната фаза ќе брка преку квалификациите.
Денеска беше извршена ждрепката за второто по квалитет клупско натпреварување, а момците на Кире Лазаров немаа среќа откако за противник го добија бундеслигашот Хановер.
Се работи за тим предводен од поранешниот германски селектор, Кристијан Прокоп и имаше солидна сезона во која заврши на шестата позиција на табелата со 20 победи, 4 реми натпревари и 10 порази.
Двомечот ќе се одигра на 30/31 август, односно 6/7 септември, барем нешто позитивно е што Алкалоид првата средба ќе ја одигра на теренот на противникот.
