Ален Рустемовски е прогласен за спортист на годината по сребрениот медал на Европското првенство до 23 години во Ереван.
Во женска конкуренција признанието го доби Катерина Попева, светска шампионка во фитнес и бодибилдинг.
За најперспективни млади спортисти се избрани боксерот Адријан Рустемовски, освојувач на европска бронза, и Даниела Алексовска, која има злато од Европско и бронза од Светско првенство во ММА.
Женската ракометна репрезентација е најуспешен женски тим, а машката одбојкарска селекција најдобра во машка конкуренција.
Могамед Ибрагимов е тренер на годината, а Џудо федерацијата на Македонија најуспешна федерација. Андреј Стојановски е најуспешен спортист со инвалидитет, откако го освои 6 место на 400 метри мешано на Олимписките игри за глуви лица во Токио.
