Денвер утрово беше поразен од Мајами со високи 147-123, но ова е најмалиот проблем на Нагетс во овој момент.
Првата ѕвезда на тимот, Никола Јокиќ предвреме го заврши натпреварот поради повреда, и се стравува дека ситуацијата е посериозна.
Во финишот на втората четвртина, Никола Јокиќ беше нагазнат од својот соиграч Спенсер Џонс, тоа го извади од баланс Србинот и настрада неговото колено.
Nikola Jokic went down with an apparent leg injury vs. the Heat. pic.twitter.com/4kPf9HAOt8
— SportsCenter (@SportsCenter) December 30, 2025
Никола Јокиќ падна на паркетот држејќи се за коленото на левата нога и јасно беше дека е во болка. Со помош на докторите беше изнесен од теренот, накривуваше на патот кон соблекувалната и повеќе не се врати назад.
Денеска ќе бидат направени детални тестови по што ќе се знае многу повеќе, а доколку настрадале лигаментите, тоа ќе значи пауза од неколку месеци па до крај на сезоната, во зависност од тоа дали се работи за истегнување или кинење.
