„Мислам дека тоа е убаво место, примерно. Тој парк не е уреден како што треба да биде уреден парк во центарот на градот. Мислам дека тоа е место (за споменикот) кое му доликува, а не загрозува никого. Не постои некоја друга причина“, им кажа Шапиќ на новинарите на отворањето на новата автобуска станица во Белград.
Михаиловиќ властите на Федеративна Народна Република Југославија го стрелале на 17 јули 1946 година.
Михаиловиќ два дена претходно Врховниот суд на ФНРЈ го осудил на смрт со стрелање, трајно губење на политичките и граѓанските права и одземање на целокупниот имот, поради предавство, соработка со окупаторот и бројни воени злосторства кои во Втората светска војна ги извршиле четниците со кои командувал.
Михаиловиќ е стрелан во околината на Белград, а неговиот гроб до денес не е официјално познат.
Вишиот суд во Белград го рехабилитираше на 14 мај 215 година.
Шапиќ на 16 септември најави дека ќе поднесе иницијатива за изградба на споменик на Михаиловиќ во центарот на Белград.
