понеделник, 17 јуни 2024

Специјален обвинител разговараше со Бајден во рамки на истрагата за доверливи документи

Американскиот претседател Џо Бајден одговараше на прашања од надлежните органи кои ја водат истрагата за ракувањето со доверливи документи од страна на Бајден, откако тој ја напушти потпретседателската функција во 2017 година.

Објавено на

часот

Сподели

Истрагата за доверливите документи ја води специјалниот обвинител Роберт Хур, соопшти канцеларијата на правниот застапник на Белата куќа.

Бајден доброволно се сретна во Белата куќа со специјалниот истражител Хур, кој два дена го испрашувал американскиот претседател, потврдија претставници на Белата куќа, пренесува Би-би-си.

Во јануари, секретарот за правда Мерик Гарланд го назначи Хур за специјален обвинител во истрагата за начинот на кој Бајден ракувал со доверливите документи кои беа пронајдени минатата година во неговиот дом во Делавер и во канцеларијата Пен Бајден во центарот на Вашингтон.

Документите се од периодот кога Бајден беше потпретседател на САД, од 2009 до 2017 година.

„Како што рековме од самиот почеток, претседателот и Белата куќа соработуваат во оваа истрага и, онаму каде што е соодветно, јавно објавивме релевантни информации и бевме транспарентни колку што можеме во согласност со заштитата и зачувањето на интегритетот на истрагата“, изјави портпаролот Иан Самс.

Истрагата за доверливи документи која беше водена против Бајденовиот потенцијален републикански претседателски ривал, поранешниот претседател Доналд Трамп, резултираше со покренување обвинение.

ТОП ВЕСТИ

ПОСЛЕДНИ ВЕСТИ