Во интервјуто со поранешниот водител на Фокс њуз, Такер Карлсон, емитувано вчера, Виткоф рече дека „ќе има избори во Украина“, додавајќи дека раководството на земјата разурната од војна „се согласило на тоа“.
Администрацијата на Трамп го зголемува притисокот врз Украина да ја принуди да одржи избори среде војна – што во моментов е забрането со украинскиот устав.
Steven Witkoff, the US special envoy to the Middle East, told Tucker Carlson on his podcast that elections in Ukraine were a must and claimed that Ukraine had agreed to hold them. He stated that Zelensky is on board, despite Kyiv’s official stance that elections are impossible… pic.twitter.com/HB6IsDITgg
— WarTranslated (@wartranslated) March 22, 2025
Американскиот претседател повеќе пати го опиша Володимир Зеленски како „неизбран диктатор“, тврдење што одговара на наративите поддржани од Русија со кои се настојува да се поткопа легитимитетот на раководството на Украина.
Критичарите предупредуваат дека изборите во воени услови ќе ја изложат Украина на руски обиди за дестабилизација и ќе претставуваат огромен логистички предизвик во земјата која се брани од инвазија од целосен обем.
Во истото интервју Виткоф го коментираше и можното членство на Украина во НАТО, на што Русија силно се противи.
„Ако има мировен договор, Украина не може да биде членка на НАТО. Мислам дека тоа е во голема мера прифатено“, рече Виткоф.
Но, американскиот претставник посочи дека Украина сепак може да има корист од безбедносни гаранции слични на оние што ги уживаат членките на НАТО според членот 5, кој предвидува колективна одбрана во случај на напад на една од членките.
„Мислам дека тоа е отворено за дискусија“, рече Виткоф, без да даде дополнителни детали за тоа.
