Нејзината мајка раскажува дека оваа необична коса почнала да расте по првиот роденден на Софија. Таа вели дека контактирала и со педијатар, но и со личните фризери – сите ѝ рекле дека никој никогаш не видел такво нешто и не ја знаат причината.
– Во однос на одржувањето, сè уште учиме и не знаеме што да правиме, особено што има три типа коса на главата… Ја чешламе само кога косата е мокра, вели мајката.
Пред извесно време се дозна и за две момчиња од Крагуевац и од Лебане кои имаат т.н. „синдром на непослушна коса“ – необична појава кога влакното расте нагоре и „му пружа отпор“ на чешлањето. Таткото на момчето од Крагуевац изјави дека за другото момче дознале на интернет, бидејќи педијатрите првпат виделе ваква коса. Мајката на Софија вели дека знае за случаите од соседните градови во јужна и средишна Србија, но вели, случајот со нејзината ќерка е нешто друго. За што точно се работи, сè уште не се знае.
