Според првичните информации загинале 10 лица, додека 30 се повредени.
Улицата е затворена, а сите служби се на терен. Од полицијата засега не соопштуваат ништо за мотивот, ниту дали се работи за тероризам. Не е познато дали возачот е уапсен.
НОЛА Реди, владина агенција во Њу Орлеанс, на социјалните мрежи објави дека имало „инцидент со масовни жртви на улицата Канал и Бурбон“ и им порача на оние во близина да си „заминат од областа“.
Per NOPD: At least one fatality and multiple casualties after driver plowed into a group of people on Bourbon Street. More in minutes on @WGNOtv pic.twitter.com/wGO25QhSij
— LBJ📺📻 (@lbjnola) January 1, 2025
„Полициската станица на 8 округ во моментов го истражува инцидентот со голем број жртви во кој учествуваше возило кое удри во поголема група луѓе на раскрсницата на улиците Канал и Бурбон. НОЕМС (Медицински служби за итни случаи во Њу Орлеанс) досега превезе 30 повредени пациенти, додека потврдени се 10 мртви случаи. Службите за јавна безбедност се на терен. Дополнителни информации ќе бидат објавени кога ќе станат достапни“, стои во соопштението на НОЛА.
BREAKING: 10 dead, 30 injured after driver plows into crowd on Canal and Bourbon Street in New Orleans pic.twitter.com/GiKfeFccxU
— Megan Hawkins (@meganhawkinsabc) January 1, 2025
Очевидци за новинарка на Си-би-ес њуз изјавиле дека автомобил со голема брзина влетал во толпа луѓе, а потоа возачот излегол и почнал да пука од оружје, при што полицијата возвратила.
