петок, 19 април 2024

Со 1.700 кутии цигари од Македонија жена запрена на преминот Прешево

Патничка се обидела да прошверцува над 1.700 кутии цигари во автобус од  Македонија за Австрија на граничниот премин Прешево-Табановце, соопшти денеска Царинската управа на Србија.

Фото: Царина Србија

Објавено на

часот

Сподели

Цариниците го откриле прекршокот на 16. март во соработка со полицијата. Патничката се обидела во нејзините чанти да прошверцува цигари вредни половина милион динари.

Случајот бил откриен кога автобус кој сообраќал од Македонија кон Австрија бил издвоен за детален преглед на влез во Србија.

Иако возачите и патниците претходно изјавиле дека носат само личен багаж, при контролата во просторот за багаж биле пронајдени три големи торби полни само со цигари.

Во торбите, за кои една од патничките се пријавила дека е сопственик биле пронајдени 1.730 кутии цигари Честерфилд со акцизни маркички од Македонија,.

Цигарите, чија вредност се проценува на речиси половина милион динари, со судска одлука се трајно одземени, додека за сторен прекршок на патничката и е изречена парична казна.

ТОП ВЕСТИ

ПОСЛЕДНИ ВЕСТИ