Невремето ќе биде проследено со остар арктички студ за време на викендот, со температура од околу -45 Целзиусови степени во некои области, јавува Би-би-си.
Речиси 25 сантиметри снег паднале во Ајова, каде во понеделник почнуваат внатрепартиските избори за републикански кандидат за годинешните претседателски избори, поради што некои настани се откажани.
Американската Национална метеоролошка служба издаде предупредувања во речиси сите сојузни држави, бидејќи викендов се предвидува снег од Орегон на западот до Мејн на истокот.
Метеоролозите предупредуваат дека пристигнало „зимско време опасно по животот“.
Во подрачјата на кои се однесува временското предупредување живеат повеќе од 70 милиони луѓе.
Поради екстремното време, од петокот се откажани повеќе од 2.000 летови, од кои повеќето требало да летаат од Чикаго.
Речиси 200.000 луѓе се без струја од петокот вечерта, а најмногу се погодени Мичиген и Висконсин.
Omaha battled Winter Storm #Gerri yesterday, enduring blizzard conditions, snow blowing sideways, and visibility reaching dangerously low levels. pic.twitter.com/lOqpREF7UE
— The Weather Channel (@weatherchannel) January 13, 2024