„Сè додека сум јас на чело на словачката влада, ќе им наредувам на пратениците кои се под моја контрола како претседател (на владејачката партија Смер) никогаш да не се согласат Украина да влезе во НАТО“, рече Фицо, пренесува Политико.
Фицо претходно изјави дека мисли дека следната година ќе отпатува во Москва за да присуствува на 80-годишнината од крајот на Втората светска војна.
Дополнително, тој посочи дека, доколку војната во Украина заврши за време на неговиот мандат, има намера да направи сè за да ги врати стандардните и економските врски со Русија, нагласувајќи дека „на Европската унија ѝ треба Русија, а на Русија ѝ е потребна Европската унија“.
Заедно со унгарскиот премиер Виктор Орбан, Фицо постојано укажува на потребата од прекин на огнот во Украина и почеток на мировни преговори со кои ќе се стави крај на војната.
Орбан ги посети Киев и Москва оваа година и исто така го опиша своето патување како „мировна мисија“.
