Адвокатот на оштетеното семејство Ангеловски, Орце Иваноски кажа дека на денешното рочиште било договорено дека повторно ќе се испитуваат вештите лица и дека очекува судот во најкус можен рок да го заврши судењето.
„За нас првостепената пресуда што претходно беше изречена беше сосема коректна затоа што беше заснована на чиста како солза фактичка состојба во која судот утврди дека сега починатиот Слободан се движел на пешачки премин, а обвинетата возела над дозволената брзина и не застанала на пешачкиот премин. За мене никаков друг исход не е возможен“, изјави Иваноски.
Синот на загинатиот слободан, Столе Ангеловски по денешното рочиште изјави дека е запрепастен од тоа дека обвинетата повторно се изјаснила дека не е виновна за предизвиканата сообраќајна несреќа во која загина неговиот татко и покрај тоа што нарпавила четири прекршоци и тоа, брзо возење, непропуштање на пешачки, возење со забрана и изјава на сведок кој кажува дека таа додека возела гледала во мобилниот телефон наместо да гледа напред.
„Се надевам дека судот овој пат ќе биде многу побрз за разлика од претходно кога процесот траеше три години и се надевам на правична одлука. Давам поддршка на семејството на Фросина Кулакова и на сите кои ги знашла ваква трагедија. Секое доаѓање на суд за мене е непријатно. Ми се враќа сликата од тој кобен и несреќен ден. Мене секое доаѓање на суд ми е измачување. Затоа се надевам дека судот овој пат многу побрзо, поефективно и правично ќе ја осуди обвинетата“, изјави Ангеловски по одржаното судско рочиште.
Слободан Ангеловски беше прегазен во јануари 2022 година отако во него удри автомобил возејќи со голема брзина.
„
„
