Специјализираната интернет страница Ервижуал, која од минута во мунита прави листа од 100 големи или главни градови и ги подредува според индексот на загаденоста, нешто пред 14 часот Скопје го пласира на убаво 68-место во светот.
Инаку, токму на оваа страница зимава, а особено кога имаше магла, Скопје често беше меѓу десетте градови во светот со најзагаден воздух, во друштво на индустриски мегалополиси од Азија, понекогаш во друштво на Сараево кое како и Скопје е во котлина и во зима знае да има слични климатски услови.
Дува ветер во Скопје и го чисти воздухот, ПМ честичките ги носи на друго место. А и тегли од некои тераси ги искрши, така некои читатели се пожалија. Но, тоа е друга приказна.
Додека дува добро е, барем за дишните патишта.
П.Џ.
