Несреќата се случила по 2 часот по полноќ во близина на клучката кај селото Крупиште, а според првичните информации, автомобил марка рено лагуна со скопски регистерски таблички излетало од коловозот, а од здобиените повреди починал И.М од Скопје.
Увидот во несреќата е во тек. Сообраќајот на експресниот пат Штип-Кочани се одвива по двете коловозни ленти.
На овој експресен пат од почетокот на годината досега во три тешки сообраќајки, животите ги загубија пет лица.
