Израелската армија (ИДФ) објави дека од Либан биле истрелани околу 20 ракети, пет кон централен Израел и 15 кон северот, пишува Гардијан.
Хезболах соопшти дека со „ракетна салва“ ја нападнал базата Глилот на воената разузнавачка единица 8.200 во предградието на Тел Авив. Исто така, беше кажано дека цел била и поморска база во близина на Хаифа. ИДФ соопшти дека засега нема пријавени жртви.
Делови од пресретнатите ракети паднале врз градот Маган Мајкл на северот на Израел, предизвикувајќи штета, јавуваат израелските медиуми, повикувајќи се на полицијата.
