Од НСПВ посочуваат дека имале едно барање за Законот за вработените во одбраната, а тоа е професионалните војници со високо образование да ги пополнат испразнетите места во МО, со што, како што наведуваат, ќе се вреднува и образованието и трудот на професионалните војници.
Колективниот договор, стои во соопштението од НСПВ, на хартија е едно, а во реалност е друга ситуација. Тие тврдат дека селективно се исплаќаат прекувремените и ноќните часови, нема хранарина, нема исплата на патни трпшоци, а има, се подвлекува во соопштението, намалени синдикални права за заштита на синдикалните претставници…
„На професионалните војници им е сопрена исплатата на опремнината за прекин на работниот однос по однос на наполнување на 45 години со изговор дека е изборен период“, се вели меѓу другото во соопштението од НСПВ.
