Целта е нејасна, но познато е дека аеродромот граничи со Дахија – упориште на Хезболах во главниот град. Облаци од чад можеа да се видат над градот додека се разденуваше, јавува Би-би-си.
🇱🇧 Israeli Regime aviation carried out about 20 strikes on the neighborhood adjacent to Beirut International Airport. pic.twitter.com/Zs5N3CsG6M
— DD Geopolitics (@DD_Geopolitics) October 3, 2024
Либанското Министерство за здравство соопшти дека во израелските копнени и воздушни напади во последните 24 часа загинале 37 лица, а ранети се 151 лице.
Либанската војска соопшти дека двајца нејзини војници биле убиени на југот на земјата додека израелските сили продолжуваат со офанзивата против Хезболах и наредија евакуација на уште 20 градови и села.
These last strikes came one after the other, very similar to the attack that killed the Hezbollah leader less than a week ago.
But seem even more prolonged and powerful.
Just watch: pic.twitter.com/MIwoXWYvD6
— Timour Azhari (@timourazhari) October 3, 2024
Израелската војска не ги коментираше податоците, но рече дека нејзините војници убиле борци на Хезболах во близина на границата. Хезболах вели дека гаѓал израелски војници од двете страни на границата.
Два фатални напади врз војници на либанската војска се случија во растојание од неколку часа во четвртокот, третиот ден од инвазијата.
Во првиот инцидент, соопшти војската, еден војник бил убиен, а друг ранет „како резултат на израелска непријателска агресија за време на операција за евакуација и спасување со либанскиот Црвен крст во селото Тајбех“.
Црвениот крст соопшти дека четворица нивни доброволци се исто така полесно повредени и дека нивното движење било координирано со мировните сили на ОН.
Војската соопшти дека уште еден војник бил убиен во друг инцидент „откако израелскиот непријател гаѓал воена позиција во областа Бинт Џбеил“.
„Таа единица одговори на отворен оган“, додаде либанската војска.
