Земјотресот се случи во понеделник во 23:59 часот по локално време на длабочина од 10 километри во округот Џишишан во Гансу, на околу 100 километри југозападно од главниот град на провинцијата Ланжу, при што се повредени најмалку 500 лица и оштетени се околу 6.400 домови во областа и патната и друга инфраструктура, соопштија локалните кинески власти.
Во вторникот наутро, потврдена е смртта на 105 лица, а 397 се повредени во провинцијата Гансу, од кои 16 се во критична состојба, изјави на прес-конференција портпаролот на локалниот оддел за итни случаи.
Уште 13 лица загинаа, а 182 се повредени во Чингхаи, област северно од епицентарот, објавија државните медиуми. Уште 20 се водат како исчезнати во Чингхаи, откако биле затрупани при лизгање на земјиште, пренесува АП.
Подрачјето погодено од земјотресот се наоѓа во планински регион, каде температурите се екстремно ниски, околу -14 степени, што дополнително ја отежнува работата на спасувачите, наведува кинеската агенција Ксинхуа.
Earthquake in China’s Gansu Province kills at least 111. #ChinaEarthquake #GansuProvince pic.twitter.com/YaOnBG6qFr
— Sajida (@Sajidaxyz) December 19, 2023
Иако периодот од 72 часа се наведува како време во кое може да се најдат преживеани по земјотрес, поради временските услови тој период е пократок, а заробените под урнатините се изложени на уште поголем ризик.
Во подрачјето погодено од земјотресот постепено се обновува снабдувањето со електрична енергија. Оштетени се десетици автопати и селски патишта, а предизвикани се и неколку одрони.
The effected areas: Gansu and Qinghai are from the important Islamic regions in China.
This is a Halal restaurant that was effected by the earthquake. https://t.co/gaG6utTe9p pic.twitter.com/wZgxA4F2pP
— Takeda Shingen 虎 | とら (@LarMusulman) December 19, 2023
Земјотресот бил почувствуван во повеќе околни области, вклучувајќи го Ланжу, главниот град на провинцијата Гансу, на околу 100 километри североисточно од епицентарот.
До 8 часот по локално време, регистрирани се 32 последователни потреси, од кои најголемиот бил со јачина од 4 степени, соопшти провинцискиот оддел за итни случаи.
Кинеското Министерство за финансии и Министерството за вонредни ситуации денеска доделија 200 милиони јуани (28 милиони долари) помош за погодените провинции Гансу и Чингхаи, објави кинеската државна телевизија.
Најсмртоносниот земјотрес во Кина во последните децении се случи во 2008 година, со јачина од 8 степени според Рихтеровата скала, кога загинаа 70.000 луѓе.
