На снимките од компанијата Максар технолоџис се гледа како на 27 мај во Латакија се наоѓа товарниот брод Матрос Позинич. Се работи за еден од трите бродови на кои било натоварено жито во кримското пристаниште Севастопол по почетокот на руската инвазија на Украина, пишува Си-ен-ен.
Бродот последен пат бил снимен во Севастопол на 19 мај, а потоа поминал низ Босфор и јужно долж турскиот брег. Се проценува дека бродот може да носи околу 30.000 тони житарки.
#CNN reports that the #Russian ship Matros Pozinich, loaded with stolen #Ukrainian grain, has arrived in the #Syrian port of #Latakia.
It is one of three Russian vessels exporting grain from the occupied regions of #Ukraine. pic.twitter.com/YoKwRTEMOt
— NEXTA (@nexta_tv) May 13, 2022
Си-ен-ен претходно објави дека колони камиони биле забележани како транспортираат жито од фарми и силоси во јужна Украина до Крим. Украинските власти претходно овој месец процениле дека руските сили заплениле повеќе од 400.000 тони житарки на окупираните територии.