Од друга страна, Путин на прес-конференција по завршувањето на претседателските избори изјави дека односите меѓу Русија и Кина се стабилизирачки фактор во евроазискиот регион, пренесе Синхуа.
Според него, односите се развиваат добро во изминатите две децении, многу се стабилни и се надополнуваат.
„Најважно е усогласувањето на државните интереси. Тоа создава многу добар тон за решавање на заедничките проблеми на полето на меѓународните односи“, рече претседателот на Русија.
Тој рече дека Кина е многу активна на меѓународната сцена и постигнува голем успех.
„Таа има многу пријатели низ светот“, додаде тој.
Путин изрази уверување дека билатералната соработка ќе продолжи да се зајакнува во наредните години.