Новинарката, неименувана 57-годишна жена, ја уапсила шведската безбедносна служба во октомври, а ја протерала владата во Стокхолм минатата недела, јави шведската телевизија СВТ. Забрането ѝ е враќање, пренесува Асошиејтед прес.
Жената пристигнала во скандинавската земја пред дваесетина години. Имала дозвола за престој и била венчана за Швеѓанец со кого има деца. Жената имала контакти со кинеската амбасада и со луѓе во Шведска кои се поврзани со кинеската влада, извести СВТ.
Нејзиниот адвокат Леутрим Кадрију кажал за СВЅ дека жената не верува дека претставува закана за Шведска.
„Тешко ми е да навлезам во точните детали имајќи предвид дека многу нешта се означени како тајни, бидејќи ова е прашање на национална безбедност“, кажал Кадриу за шведската телевизија.
Во соседна Норвешка, медиумот НРК извести дека новинарката известувала од таа земја, како и од други нордиски земји вклучувајќи ги Данска, Финска и Исланд.
Односите меѓу Стокхолм и Пекинг се напнати со години.
