Норвешка со 33-23 ја прегази Шведска, но Швеѓаните одат во полуфиналето на Европското првенство бидејќи тоа го обезбедија претходно. Денешниот триумф на Норвежаните беше само за престиж.
Блонз со 11 голови беше најефикасен во составот на Норвешка, кај Шведска Сандел постигна четири погодоци.
Данска претходно го имаше заверено првото место, па влегоа полабаво во дуелот со Словенија. Словенците го искористија тоа, го добија мечот со 28-25 и го освоија третото место. Обезбедија борба за петтата позиција која води на Олимписките игри.
Хорзен со шест голови беше најефикасен кај Словенците, Јоргенсен и Киркелоке погодија по шестпати за Данците.
Холандија и Португалија одиграа нерешено 33-33.
Во оваа група Данска го освои првото место со осум бода, втора е Шведска со шест, трета е Словенија исто така со шест но загуби во меѓусебниот дуел со Швеѓаните. Следува Португалија со пет бода, Норвешка има четири, Холандија еден.
