Одлично ја предводеше играта од клупата: Звонко Шундовски (во позадина)
„Селекцијата на Шведска е со висок рејтинг, беа 4-ти на последното СП. Но ние знаевме дека против најдобрите играме најдобро. Со оваа публика, верувавме во успех, знаевме дека можеме. Мечот беше тежок, наметнавме своја игра, имавме константна предност во голем дел од мечот, потоа имаше многу пресврти, ние водевме со 4 гола, па тие со 3. Докажавме дека сме одличен тим и дека можеме против најдобрите. Жалам за последниот напад, имавме договорено како да одиграме, но не се почитуваше тоа, влеговме во фаул, можеби тоа беше и пенал над Миркуловски. Сепак, задоволни сме на крајот“, вели Шундовски.
