Шкупи не трошеше многу време по разделбата со Матија Мирков и попладнево го именваше Алпарслан Ердем за нов предводник.
Станува збор за стратег кој учел од легендарниот Андреа Пирло, му бил помошник во Фатих Карагумрук, а имал и богата играчка кариера со настап во екипи како Вердер Бремен, Галатасарај, Генчлербирлиги, Истанбул Башакшехир и Фатих Карагумрук.
Тој ставил потпис на двегодишен договор, и ова е потврда за долгорочната посветеност на раководството на чаирчани за градење на стабилен и успешен тим.
