Рокот за пријавување за избор на нов ректор на најстариот универзитет во земјата „Св. Кирил и Методиј“ (УКИМ) истекува денеска на полноќ, а гласањето е закажано за 30 мај, од 14 до 16 часот, на сите 23 факултети и 5 институти.
Проректорката Спасевска неодамна во изјава за медиум истакна дека во оваа ректорска трка влегува со уверување дека во соработка со професорите, асистентите и студентите може да се направат вистински промени на УКИМ како најстара и најреномирана образовна институција во земјава. Мотив за оваа кандидатура, според Спасевска е подигнување на квалитетот на високото образование, зголемување на реномето на УКИМ и создавање услови за добивање поголем број на меѓународни проекти и создавање европско образование дома.
Постапката за пријавување на кандидати за ректор на УКИМ започна на 3 април.
Од 15 до 26 мај по кампусите на УКИМ ќе има претставување на кандидатите за ректор. На 17 мај ќе се утврди единствениот избирачки список. Право на глас имаат околу 1.500 гласачи, избрани во звање доцент, редовен и вонреден професор. Евентуалното прегласување е закажано за 9 јуни.
