вторник, 16 април 2024

Шест лица вмешани во атентатот на претседателскиот кандидат во Еквадор се убиени во затвор

Шест мажи осомничени за вмешаност во убиството на претседателскиот кандидат на Еквадор за борба против корупцијата Фернандо Виљависенсио се убиени во петокот во затвор, соопшти затворската служба.

Објавено на

часот

Сподели

Убиствата се случиле во затвор во Гвајакил, најголемиот град во јужноамериканската држава, соопшти државното обвинителство.

Владата на Еквадор ги осуди убиствата.

Претседателот на земјата во заминување Гиљермо Ласо вети брзо откривање на сторителите на убиствата.

„Овде ќе се дознае вистината“, рече тој.

Затворската агенција СНАИ во соопштение наведе дека шестмината убиени мажи сите биле колумбиски државјани. Не се соопштени повеќе детали за убиствата.

Владата соопшти дека властите се решени да идентификуваат кој стои зад убиството на Виљависенсио.

Виљависенсио, истакнат новинар, беше убиен на 9 август, помалку од две недели пред првиот круг од општите избори.

Полицијата уапси шестмина Колумбијци на денот на убиството на Виљависенсио. Седмиот осомничен, исто така Колумбиец, е убиен од полицијата.

Вториот круг на гласање е закажан за 15 октомври.

ТОП ВЕСТИ

ПОСЛЕДНИ ВЕСТИ