Ден по таа изјава Херман Андаја поднесе оставка.
Андаја рече дека се плаши дека звукот на сирените за време на пожарот можел да ги поттикне луѓето да одат кон планините или кон внатрешноста.
„Да го направеа тоа, ќе влегоа во оган“, објасни Андаја.
Но, одлуката да не се користат сирените, заедно со недостигот на вода што им отежнуваше на пожарникарите, како и рутата за евакуација која стана заглавена со возила, наиде на интензивни критики од многу жители по најсмртоносниот пожар во САД во повеќе од еден век.
Најмалку 111 лица загинаа.
Градоначалникот Ричард Бисен ја прифати оставката на Андаја која стапува на сила веднаш, објави округот Мауи на Фејсбук.
Андаја наведе неодредени здравствени причини за напуштањето на функцијата, без дополнителни детали.
„Со оглед на сериозноста на кризата со која се соочуваме, јас и мојот тим ќе назначиме некого на оваа клучна позиција што е можно поскоро“, се вели во соопштението на Бисен.
Асошиејтед прес наведува дека неактивираните сирени се само дел од низата комуникациски проблеми што придонесоа за уште поголем хаос.
Хаваи го има еден од најголемите системи за тревога на отворено во светот.
Системот на сирени е создаден по цунамито во 1946 година во кое загинаа повеќе од 150 луѓе на Големиот остров, а на веб-страницата на Големиот остров се наведува дека сирените може да се користат за предупредување за пожари.
