понеделник, 27 мај 2024
По шест месеци војна во Газа

Шефот на агенцијата на ОН бара „одговорност за предавство на човештвото“

Шефот на Канцеларијата на ОН за хуманитарни прашања (OCHA), Мартин Грифитс денеска побара „да се преземе одговорност за предавство на човештвото“ претставено со шестмесечната израелска војна против палестинското движење Хамас во Појасот Газа.

Епа

Објавено на

часот

Сподели

Во соопштението објавено во Њујорк, Грифитс оцени дека и покрај „глобалниот бес, толку малку е направено за да се стави крај на тоа, оставајќи простор за толку голема неказнивост“.

„За луѓето во Газа, последните шест месеци војна не донесоа ништо друго освен смрт, уништување и сега се наѕира перспектива за вештачки глад предизвикан од човекот“, изјави Грифитс во пресрет на шестмесечнината од војната.

Предизвикана на 7 октомври од крвавиот напад на Хамас во Израел, израелската воена офанзива нема одмор, предизвикувајќи повеќе од 33.000 смртни случаи досега според Министерството за здравство на палестинското исламистичко движење и предизвика хуманитарна катастрофа бидејќи повеќето од 2,4 милиони жители се соочуваат со глад.

Грифитс додаде дека „никој не е безбеден“ и населението нема каде да оди за да се заштити.

Според него, шестмесечната војна не само што мора да донесе сеќавање и жалост, туку мора да предизвика и „колективна реакција за да се сноси одговорност за ова предавство на човештвото“.

Мартин Грифитс на крајот на март објави дека поднесува оставка „од здравствени причини“ од позицијата заменик-секретар за хуманитарни прашања и координатор за итна помош на Обединетите нации. Тој треба да остане на функцијата до јуни.

Во последниве месеци, тој упати неуморни повици да се дозволи хуманитарна помош да влезе во Газа, осудувајќи ги опструкциите од страна на израелските власти.

ТОП ВЕСТИ

ПОСЛЕДНИ ВЕСТИ