Откако ги загубија двата меча на домашен терен, многумина го отпишаа Денвер, но актуелниот шампион се врати и покажа зошто лани беше на врвот.
Јокиќ и соиграчите одиграа фантастичен меч, најдобрите во тимот беа на висина на задачата и дојдоа до триумф од 115-107.
Јокиќ постигна 35 поени, имаше по седум асистенции и скокови, Гордон беше одличен со 27 поени, Мареј реализираше 19. Во составот на Минесота, Едвардс беше убедливо најдобриот со 44 поени.
Со оваа победа Денвер изедначи на 2-2, а следниот меч го игра на домашен терен.
2-2 е и на истокот на дуелот меѓу Индијана и Њујорк. Пејсерс синоќа го добија мечот со убедливи 121-89.
Индијана одигра тимски, најефикасен беше Халибартон со 20 поени, Мекконоли постигна 15. Кај Њујорк, Баркс реализираше 20, Брансон 18 поени.
Резултати:
Индијана – Њујорк 121-89 (2-2)
Минесота – Денвер 107-115 (2-2)
