четврток, 13 јуни 2024

Шаќири сега учебниците за шесто одделение ги очекува наскоро

Очекувањата на министерот за образование за докомплетирање на доставата на учебниците за основните училишта повторно се поместија – од до крајот на неделава, за наскоро.

Објавено на

часот

Сподели

Во изјава за Гласот на Америка на македонски јазик Шаќири вели дека учебници за шесто, кои годинава се печатат нови согласно новите наставни програми, се доставуваат секојдневно и дека побарал од економскиот оператор што ги печати да се забрза процесот.

Посочи дека постапките зависат и од Националната комисија за учебници, а дека постапките што зависат од МОН, како што рече, се завршуваат за еден или два дена.

„Еден милион и 400.000 учебници се доставени во основното образование. Ова е многу значаен факт затоа што проблемот со учебници не е од последната година туку од последните 15 години. Но, ме радува фактот што на крајот на септември и почетокот на октомври, како и во текот на овие денови, имаме достава на учебници. Ова не беше само процес на печатење на учебниците, туку и на одобрување на учебниците за шесто одделение. Различно од претходната година и од претходните 15 години, ние сите постапки на одобрените учебници ги имаме завршено на 1 септември“, изјави Шаќири од Вашингтон каде што е во неколкудневна работна посета.

Соопшти дека на средби што ги имал со претставници од високото образование се разгледува можноста за соработка со американски универзитети за гостување на визитинг-професори од САД на нашите факултети. Рече и дека од оваа академска година ќе имаме повеќе студенти со Фулбрајт стипендија.

Спомна и дека со САД реализираме неколку важни проекти, меѓу коие заедничкиот проект за медиумска писменост кој е дел од наставните програми во основното образование.

ТОП ВЕСТИ

ПОСЛЕДНИ ВЕСТИ