Ракетите биле истрелани во понеделникот во 22:30 часот од околината на Саривон, севернокорејската покраина Хвангае, соопшти Здружениот генералштаб, додавајќи дека тесно споделуваат информации со САД и Јапонија.
Лансирањето беше потврдено и од јапонската влада. Јапонската крајбрежна стража соопшти дека ракетата за која се верува дека е балистичка ракета истрелана од Северна Кореја веќе паднала, надвор од ексклузивната економска зона на Јапонија, во океанот.
Последното лансирање следи по минатонеделното тестирање на Северна Кореја на голема нова интерконтинентална балистичка ракета на цврсто гориво наречена Хвасонг-19 и доаѓа неколку часа пред почетокот на гласањето на претседателските избори во САД.
Севернокорејскиот државен медиум КЦНА објави извештај во кој Ким Јо Јонг, моќната сестра на лидерот на земјата Ким Џонг Ун, ги осуди неодамнешните воени вежби на САД, Јапонија и Јужна Кореја како закани и рече дека тие го оправдуваат зајакнувањето на севернокорејското нуклеарно оружје.
Соединетите Држави тесно се консултираат со Јужна Кореја, Јапонија и другите сојузници откако Северна Кореја изврши повеќекратно лансирање на балистички ракети, соопшти во понеделникот американската војска.
„Иако оценивме дека овој настан не претставува непосредна закана за американскиот персонал, територија или нашите сојузници, продолжуваме да ја следиме ситуацијата“, се вели во соопштението на американската Индо-пацифичка команда.
