Шојгу оцени дека Западот се обидел да ја искористи Украина за да ѝ нанесе стратешки пораз на Русија, но не успеал во тоа, пренесува Ројтерс.
„Сега, кога ситуацијата на сцената на воените операции не е во корист на режимот во Киев, Западот се соочува со избор – да продолжи да го финансира и да го уништува украинското население или да ја признае моменталната реалност и да започне преговори“, рече Шојгу, кој беше министер за одбрана на Русија од 2012 година до мај оваа година, кога Путин го смени.
Шојгу ја обвини Украина за „нуклеарен тероризам“, велејќи дека Киев планира да ја заземе нуклеарната централа Курск во Русија, како и дека продолжува со нападите врз електраната во Запорожје, која е под контрола на руските сили.
