19-годишниот напаѓач, за кој се верува дека е поранешен ученик, рано утрово влегол во училница со првоодделенци во основното училиште „Пречко“ и со нож ги нападнал учителката и неколку деца, објави Н1.
Хеликоптери ги превезуваа ранетите во болниците низ градот. Учителката добила сериозни повреди и е во критична состојба, соопштија од болницата „Свети Дух“.
„Напаѓачот е во полициски притвор. На повредените им се дава лекарска помош“, соопшти загрепската полиција.
Очевидци пријавиле хаотични сцени додека возилата на брзата помош итале кон училиштето, а луѓето бегале од зградата. Видеата споделени на социјалните мрежи покажаа дека десетици луѓе бегаат од зграда преку спортските терени на училиштето.
🚨 BREAKING NEWS:
Horrific knife attack at a primary school in Zagreb, Croatia!
1 DEATH CONFIRMED
7-year-old girl tragically killed, 6 others wounded
Multiple pupils and a teacher injuredSeveral victims have been hospitalized.
Prime Minister Andrej Plenkovic reacts:
“We… pic.twitter.com/gE7AAgujxh— know the Unknown (@imurpartha) December 20, 2024
Разни официјални лица, вклучително и градоначалникот на градот Томислав Томашевиќ и министерот за внатрешни работи Давор Божиновиќ, се на местото на настанот, соопшти Н1.
Премиерот Андреј Пленковиќ рече дека земјата е „згрозена“ од „трагедијата“. Тој рече дека министерката за здравство Ирена Хрстиќ ќе ги посети болниците во кои се згрижени ранетите.
