Стапката на отсуство од работа поради болест порасна на 7,1 отсто во вториот квартал, што е највисока од 2009 година, кога го предизвика бран на свински грип, објави агенцијата за статистика на Норвешка. Ова е повеќе од кој било момент за време на врвот на пандемијата на ковид, а порастот е забележан во сите гранки на економијата.
Норвешкиот систем на социјална заштита „од лулка до гроб“ се финансира со високи даноци и зависи од високите нивоа на вработеност. Додека јавните финансии на Норвешка се поддржани од државен фонд од 1,7 трилиони долари, очекуваниот пад на приходите од нафта и гас во наредните години значи дека буџетските ризици се зголемуваат, пишува Блумберг.
Трошоците за лекување на болни и инвалиди сочинуваат околу 22 отсто од јавната потрошувачка на Норвешка или осум отсто од БДП.
Владата предводена од лабуристите планира да предложи промени во системот подоцна овој месец, иако сигнализираше дека нивоата на бенефиции – кои меѓународните организации ги истакнуваат како „исклучителни“ – веројатно нема да бидат намалени.
