Реал Мадрид е последниот патник во четвртфинале во Лигата на шампиони, „кралевите“ синоќа го елиминираше Атлетико Мадрид.
Главна тема од пресметката на „Метрополитано“ е поништениот гол на Хулијан Алварез во пенал серијата.
Со помош на ВАР, голот беше поништен поради тоа што Аргентинецот два пати ја допрел топката.
Многумина не се убедени во ова, особено во таборот на Атлетико Мадрид, тренерот Диего Симеоне кој на пресот рече: „Судијата вели дека ја допрел топката со двете нозе, но топката не се помрда. Никогаш не сум видел ВАР да се користи во пенал серијата. Горд сум на моите играчи, среќен од она што го прикажавме. Можеби не ги елиминиравме, но ги ставивме на голема мака“.
Тој потоа додаде: „Кренете рака ако видовте дека Хулијан два пати ја допре топката! Ајде некој нека кренете рака! Никој не виде?“.
Сепак, повторената и зумирана снимка која ја објави ТНТ Бразил покажува дека судиите биле во право и се чини дека Аргентинецот сепак два пати ја допира топката.
Останува да се види дали УЕФА ќе даде објаснување за контроверзниот пенал и како е утврдено дека Хулијан Алварез дефинитивно два пати ја удрил топката.
Imágenes de TNT Brasil con mejor resolución del penalty de Julián Álvarez.
Toca dos veces el balón? pic.twitter.com/aa5BfGtKac— Mape Sport (@MapeSport) March 13, 2025
