„Хрватски луѓе, граѓани на сите градови и општини, ви благодарам од срце. Политиката никогаш не сум ја гледал како средство за приватни цели, туку како виша мисија и задача. Така ја гледам и чувствувам и денес и верувам дека вие тој жар го препознавте“, порача тој на социјалните мрежи.
Интересно е тоа што не кажа ни збор за својот главен ривал, ни за владејачката партија ХДЗ ни за премиерот Андреј Пленковиќ.
На Милановиќ малку му недостигаше уште во првиот круг да го победи Драган Приморац, поддржан од ХДЗ, и да стане првиот кандидат на кого му успеале да стане претседател во првиот круг по Фрањо Туѓман. На вчерашните избори 797.938 луѓе го заокружиле Милановиќ, повеќе од него во првиот круг добиле само Туѓман и Стјепан Месиќ, кој сепак со Јадранка Косор мораше и во втор круг бидејќи освои 48,92 отсто од гласовите.
Резултатот ја потврдува поделбата во врвот на хрватското политичко раководство. Иако претседателската функција е главно церемонијална, изборот на Милановиќ – најпопуларниот политичар во таа земја – му беше трн во око на неговиот главен ривал Пленковиќ.
Во победничкиот говор во Загреб Милановиќ вети дека ќе промовира „Хрватска со карактер, Хрватска која се грижи за своите интереси и која е свесна дека само ние се грижиме за тоа штом се случува во нашата земја“.
Пленковиќ, по објавувањето на резултатите, го поздрави успехот на својот партиски кандидат со влегувањето во вториот круг. „Од утре почнува нов натпревар, нови две недели“, кажа тој. „Милановиќ нема програма. Не сакаме да нè влече кон Русија, сакаме Хрватска да оди во вистинската насока“.
