понеделник, 17 јуни 2024

Се активираше Попокатепетл. Потреси, исфрла пепел, на милиони им се заканува евакуација (ВИДЕО)

Објавено на

часот

Сподели

Околу 25 милиони луѓе живеат во радиус од 100 километри од вулканот, кој се наоѓа на околу 70 километри југоисточно од Мексико Сити. Во неделата, Националната координација за цивилна заштита (ЦНПЦ) го подигна нивото на вулканска опасност на „жолта фаза 3“ и околу три милиони луѓе кои живеат во градовите и селата во близина на вулканот беа повикани да бидат подготвени за можна евакуација.

 

 

ЦНПЦ исто така предупреди на зголемена вулканска активност и распрснување пепел со голема брзина во неколку околни градови. Исто така се препорачува жителите на блиските градови да избегнуваат активности на отворено.

 

 

„Во случајот на Мексико Сити, ризикот е да паѓа пепел. Подготвени сме за тоа сценарио и знаеме што да правиме. Да бидеме во состојба на готовност“, рече градоначалничката на Мексико Сити, Клаудија Шеинбаум.

Меѓународниот аеродром Бенито Хуарез во Мексико Сити беше привремено затворен во саботата, а некои летови беа одложени вчера поради присуство на вулканска пепел. Државните власти исто така ја прекинаа наставата во училиштата во 40 општини во Пуебла, пет општини во државата Мексико и седум во Тласкала и соопштија дека наставата ќе се одржува од далечина.

Амбасадата на САД во Мексико издаде предупредување во кое се вели дека вулканот Попокатепетл „има зголемена активност од 15 мај, со регистрирани стотици потреси и исфрлање на чад и пепел“.

Амбасадата исто така ги советуваше луѓето да не се приближуваат до вулканот поблиску од 20 километри. Вулканот беше неактивен со децении додека не еруптираше во 1994 година.

ТОП ВЕСТИ

ПОСЛЕДНИ ВЕСТИ