СДСМ тврди дека анкетите на МТВ биле нарачани од ВМРО-ДПМНЕ
Голем скандал е на повидок. Се потврдува дека лажните анкети објавени на националната телевизија МТВ се нарачани од штабот на ВМРО-ДПМНЕ, се вели во денешното соопштение на СДСМ кои тврдат дека откриле „оперативен план“ на опозициската партија за пласирање лажни вести.
![sdsm sediste zgrada](https://mkd.mk/wp-content/uploads/2024/02/sdsm-sediste-zgrada-1068x712.jpg)
Во соопштението се вели дека станува збор за реализација на цела шема, оперативен план подготвен од Републичкиот изборен штаб на ДПМНЕ лани на 5 декември за пласирање на лажни анкети за рејтинзите на партиите и за политичарите, а објавени на МТВ, но и за други активности како пласирање лажни вести.
„Документите со потписи потврдуваат дека оперативниот план на ВМРО-ДПМНЕ го содржи она што и реално се случува.
Планот предвидува креирање на емисија два пати неделно со анализирање на анкети од ИПИС на Владимир Божиновски, какви што веќе се емитуваа на МТВ. Дефиниран е и составот на гости во емисијата, да бидат аналитичари и тоа 3 опозициски и 1 од власта.
ДПМНЕ има и одговорен и за ширење лажни вести, а креираат и лажни вести преку ‘дувла’ кои ги објавуваат опозициски портали. Ова е голем скандал кој покажува дека лажните анкети се нереални и служат за манипулација на граѓаните, а немаат врска со реалноста. Но исто така потврдува дека нема никаква промена во ДПМНЕ.
Пропагандата, злоупотребите на медиумите, ширењето лажни вести и нарачаните лажни анекти се истите методи на Никола Груевски кои сега ги спроведува Христијан Мицкоски и дека ништо не се менува во ДПМНЕ. За овој скандал мора да има одговорност“, се вели во соопштението од СДСМ.
ТОП ВЕСТИ