„Ова се партиски инсталации во судството како во време на режимот. Истото тоа што го правеше ДПМНЕ порано се прави и сега. Чист обид за поставување на контролирано, партиско судство кое нема да служи на граѓаните, туку на нивните интереси. ВМРО-ДПМНЕ е партија која секогаш кога е на власт имала една единствена цел, ставање на судството по контрола и сега тоа го докажува на дело“, рече Кузеска на денешната прес конференција.
Од СДСМ побараа Обвинителство и ДКСК да кажат до каде се предметите што се водат против директорот на Агенцијата за национална безбедност (АНБ), Бојан Христовски.
„Што се чека? До каде е предметот што го оформи Јавното обвинителство? Зошто молчи Државната комисија за спречување на корупција? Поминаа два месеци откако изби скандалот. Доказите, фактите и аргументите кои се објавија и веќе се јавно достапни. Не сакаме да веруваме дека се прават обиди да се заташка овој случај“, рече Кузеска.
