„Согласно роковите во Статутот на партијата ќе има доволен период за подготовка на кандидатурите и програмите, претставување на кандидатите пред членството и активна регистрација.
На седница којашто ќе се одржи в четврток, 30 мај 2024 година Централниот одбор на СДСМ треба да го усвои правилникот за критериумите, начинот и роковникот за спроведување на постапката на највисоко демократско ниво од страна на Централната изборна комисија“, соопшти СДСМ.
Инаку, засега само Славјанка Петровска и Јован Деспотовски најавија можност да се кандидираат за лидерската позиција во партијата, a поранешниот претседател на СДСМ и поранешен премиер Димитар Ковачевски децидно денеска одговори дека нема повторно да се кандидира.
