По вечерашната седница на Извршниот одбор на СДСМ портпаролот на партијата Дарко Каевски изјави дека Митрески е пратеник со долгогодишно искуство, чесен, вреден и посветен на граѓаните и државата.
„Сигурни сме дека Митрески ќе ја извршува функцијата на највисоко ниво и во интерес на граѓаните“, рече Каевски.
СДСМ од вечерва ја почнува и постапката за избор на кандидат на СДСМ за претстојните претседателски избори. Исто така одлучено е шеф на изборниот штаб на СДСМ да биде генералниот секретар Миле Зечевиќ.
