„Со почнување на процесот во Собранието ќе се отвори и јавна расправа, ќе има средби, состаноци и работи групи на кои Христијан Мицкоски и ВМРО-ДПМНЕ ќе може да дадат свои предлози. Овој процес мора да биде најтранспарентен, најинклузивен и да дојдеме до најдоброто решение со кое ќе следува промена на Уставот и со тоа продолжување на европскиот пат на нашата држава“, рече денеска пратеникот и портпарол на СДСМ, Дарко Каевски.
Во работната група, нагласи тој, ќе има и експерти по уставно право и од други области, како и од партиите, па затоа очекуваат во целиот процес да учествува и ВМРО-ДПМНЕ.
