Финалето во плеј-офот во Чемпионшип, познат како најскапиот меч во светот, на мегдан ќе ги донесе Лидс и Саутемптон.
Откако „белите“ вчера убедливо го совладаа Норич во реваншот, вечерва и „светците“ ја добија пресметката против ВБА, трумфираа со 3-1 и си обезбедија билет за „Вембли“.
Смолбон го донесе Саутемптон во водство од 1-0 на стартот од вториот дел, Армстронг зголеми на 2-0 во 78. минута, а истиот играч во финишот погоди од пенал за 3-0 и решавање на сите дилеми.
До крајот на натпреварот, гостите само го ублажија поразот преку Кипре во 97. минута.
