Лидерот на Саудиска Арабија разговараше за заканите со кои се соочува за да објасни зошто мора да обезбеди дека секој договор мора да вклучува јасен и неповратен пат кон идната палестинска држава, објави Политико, цитирајќи поранешен американски функционер запознаен со содржините на разговорите.
На една таква средба Бин Салман се осврнал на случајот со египетскиот лидер Анвар Садат, кој беше ликвидиран од египетските фундаменталисти во 1981 година, по склучувањето мировен договор со Израел.
„Вака објасни тој: Саудијците многу длабоко се грижат за тоа и улиците ширум Блискиот Исток длабоко се грижат за тоа, а мојот мандат како чувар на најсветите места на исламот нема да биде безбеден освен ако не инсистирам на она што е најитно прашање за правдата во нашиот регион“, изјави за Политико извор близок до разговорите.
Тајмс оф Израел, цитирајќи го Политико, пишува дека не е познато кога точно се воделе разговорите во кои саудискиот лидер ја споменал можноста да биде убиен, со оглед на тоа што временската рамка за постигнување израелско-саудиски договор за нормализација на меѓусебните односи е речиси целосно затворена во последните месеци, велат извори во американскиот Конгрес.
Тие извори за Тајмс оф Израел изјавија дека секоја шанса за постигнување договор е згаснат во јуни, со оглед на тековната војна во Газа и се помалата временска рамка на календарот на Сенатот да се закаже ратификација на американско-саудиската компонента на договорот, пред ноемвриските претседателски избори во САД.
Премиерот на Израел Бенјамин Нетанјаху во неколку наврати ја отфрли можноста да се согласи за формирање на идна палестинска држава, па секој сличен договор е тешко остварлив, оценува Тајмс оф Израел.
