„Кралството ја повторува својата осуда и категоричното отфрлање на геноцидот кој го врши Израел над братскиот палестински народ“, кажа принцот Мохамед бин Салман, фактичкиот владетел на Саудиска Арабија.
Тој ја повика меѓународната заедница да не му дозволи на Израел да го нападне Иран и да го почитува иранскиот суверенитет.
Бин Салман во септември кажа дека кралството нема да го признае Израел доколку не се формира палестинска држава.
Вашингтон се обиде да посредува во договор за нормализација на односите меѓу Саудиска Арабија и Израел кој би вклучувал американски безбедносни гаранции за Ријад. Тие напори беа сопрени по нападот на Израел на Газа по упадот на Хамас на израелска територија минатата година.
