понеделник, 24 јуни 2024

Саудискиот лидер и Бајденовиот советник за безбедност разговараа за војната во Газа

Саудискиот престолонаследник Мохамед бин Салман и советникот за национална безбедност на Белата куќа Џејк Саливан се состанаа за да разговараат за војната во Газа и да се обидат да го финализираат широкиот билатерален договор, објави во неделата саудиската државна новинска агенција.

Фото: ЕПА

Објавено на

часот

Сподели

На состанокот во саудискиот град Даран тие разговараа за „полуфиналната верзија на нацртот на стратешките договори меѓу двете земји“, кои се во фаза на финализирање, пренесува Ројтерс.

Де факто саудискиот лидер и главниот помошник на претседателот Џо Бајден за безбедност, исто така, разговарале за потребата да се најде „кредибилен патоказ за постигнување решение со две држави“ за Израел и Палестинците, за начините да се стави крај на војната во Газа и за олеснување на испораката на хуманитарна помош, се вели во соопштението.

Администрацијата на Бајден и Саудиска Арабија се обидуваат да го финализираат договорот за американските безбедносни гаранции и цивилната нуклеарна помош, додека израелско-саудискиот договор за нормализација, замислен како дел од блискоисточниот „голем договор“, останува недостижен.

Белата куќа во петокот соопшти дека Саливан ќе ги посети Саудиска Арабија и Израел за да разговара за билатерални и регионални прашања, вклучително и за Газа и напорите за постигнување траен мир и безбедност во регионот.

ТОП ВЕСТИ

ПОСЛЕДНИ ВЕСТИ