„Акцијата, преземена во партнерство со други земји, ќе ги таргетира руските воено-индустриски комплекси и компании во трети земји кои го олеснуваат пристапот на Русија до стоките што ги сака“, рече Адејемо.
Се вели дека Вашингтон се обидува да ја повика Русија на одговорност за војната и смртта на опозицискиот лидер Алексеј Навални. „Утре ќе воведеме стотици санкции само овде во Соединетите Држави, но важно е да се запамети дека не е само Америка таа што презема акција“, рече Адејемо.
Споменатиот пакет ќе биде последен во серијата санкции против Москва објавени од Соединетите Држави и нејзините сојузници по руската инвазија на Украина во 2022 година, во која беа убиени десетици илјади луѓе и уништени многу градови. Новите санкции доаѓаат во време кога САД и нивните сојузници сакаат да го одржат притисокот врз Русија, и покрај сомнежите дали американскиот Конгрес ќе одобри дополнителна помош за Киев.
Администрацијата на претседателот Џо Бајден ги исцрпи средствата претходно одобрени за Украина, а барањето за дополнителни средства „стои“ во Претставничкиот дом под контрола на републиканците. „Санкциите и контролата на извозот имаат за цел да ја забават Русија, со што ќе им биде потешко да водат војна по нивен избор во Украина“, рече Адејемо, додавајќи дека Конгресот треба да дејствува за да ѝ ги даде на Украина потребните ресурси.
