Остин на социјалната мрежа Икс напиша дека му кажал на Галант дека е важно да се постине договор за прекин на огнот во Појасот Газа со кое се обезбедува ослободување на заложниците кои ги држи Хамас.
Американската Централна команда (Ценком) соопшти дека борбените авиони Ф-22 на американските воздухопловни сили стигнале на Блискиот Исток во очекување на ирански напад на Израел.
„Ф-22 на американското воздухопловство стигнаа во зоната на одговорност на Централната команда на САД на 8 август како дел од промената на позицијата на американските сили во регионот за да се ублажи можноста од регионална ескалација“, се наведува во соопштението.
Американскиот носач на авиони УСС Абрахам Линколн со неколку борбени авиони е распореден во тој регион од почетокот на месецот.
Иран вети одмазда по убиството на лидерот на Хамас Исмаил Ханија во Техеран, за кое Иран и Хамас го обвинуваат Израел.
