вторник, 28 мај 2024

САД испраќаат огромен пакет помош за Украина, вклучувајќи тенкови и противвоздушна одбрана

Администрацијата на Бајден подготвува поголем од вообичаениот пакет воена помош за Украина, кој ќе вклучува оклопни возила, заедно со итно потребната артилерија и противвоздушна одбрана, според двајца американски претставници.

Фото: ЕПА

Објавено на

часот

Сподели

Американскиот Сенат денеска треба да гласа за пакетот помош, кој се очекува речиси сигурно да биде усвоен бидејќи Претставничкиот дом ја одобри помошта со широка двопартиска поддршка по неколкумесечни расправии.

Водачот на демократите во Сенатот Чак Шумер чија партија тесно го контролира тој дом на Конгресот, во саботата рече дека „сега се гледа крајот на расправата“ за пакетот помош. „Задачата пред нас е итна. Сенатот повторно треба да испише историја“, рече лидерот на републиканците во Сенатот, Мич Меконел.

Конечниот пакет, кој предвидува неверојатни 95 милијарди долари вкупна воена помош за американските сојузници, вклучително и пари за Израел и Тајван, заедно со 61 милијарда долари за Украина, се очекува да стигне до бирото на претседателот Џо Бајден за одобрување до крајот на неделата.

Гласањето во Сенатот треба да оди непречено, без соочување со комплицирани преговори и несогласувања со кои се справуваше Претставничкиот дом под контрола на републиканците. Бајден во вчерашниот телефонски разговор со украинскиот претседател Володимир Зеленски му вети дека Киев може да очекува брзо пристигнување на помошта.

Украинската војска се соочува со сериозен недостиг на оружје и нови регрути додека Москва врши постојан притисок од исток. Се очекува условите да се влошат на првите линии во наредните недели, а шефот на украинското разузнавање Кирило Буданов предвиде „прилично тешка ситуација“ од средината на мај.

Покрај парите за Украина, гласањето во вторник ќе донесе одлука и за 13 милијарди долари за војната на Израел со Хамас, повеќе од 9 милијарди долари за хуманитарна помош во Газа и на други места и 8 милијарди долари воена помош за Тајван за соочување со Кина.

ТОП ВЕСТИ

ПОСЛЕДНИ ВЕСТИ